ਰਾਏਪੁਰ —- ਭਾਰਤ ਅਤੇ ਦੱਖਣੀ ਅਫਰੀਕਾ ਵਿਚਕਾਰ ਵਨਡੇ ਮੈਚ 3 ਦਸੰਬਰ ਨੂੰ ਰਾਏਪੁਰ ਦੇ ਸ਼ਹੀਦ ਵੀਰ ਨਾਰਾਇਣ ਸਿੰਘ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਦੋਵੇਂ ਟੀਮਾਂ ਸੋਮਵਾਰ ਨੂੰ ਰਾਂਚੀ ਤੋਂ ਇੱਕੋ ਚਾਰਟਰਡ ਫਲਾਈਟ ਰਾਹੀਂ ਰਾਏਪੁਰ ਪਹੁੰਚੀਆਂ। ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਨੂੰ ਦੇਖਣ ਲਈ ਹਵਾਈ ਅੱਡੇ ‘ਤੇ ਭੀੜ ਇਕੱਠੀ ਹੋਈ।
ਅੱਜ, ਰੋਹਿਤ ਸ਼ਰਮਾ, ਵਿਰਾਟ ਕੋਹਲੀ ਅਤੇ ਹੋਰ ਸਟਾਰ ਖਿਡਾਰੀ ਰਾਏਪੁਰ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ ਵਿੱਚ ਅਭਿਆਸ ਕਰਨਗੇ। ਦੱਖਣੀ ਅਫਰੀਕਾ ਦੇ ਖਿਡਾਰੀ ਦੁਪਹਿਰ 1:30 ਵਜੇ ਤੋਂ ਸਟੇਡੀਅਮ ਵਿੱਚ ਅਭਿਆਸ ਕਰਨਗੇ। ਇਸ ਤੋਂ ਬਾਅਦ, ਭਾਰਤੀ ਟੀਮ ਸ਼ਾਮ 5:30 ਵਜੇ ਅਭਿਆਸ ਲਈ ਮੈਦਾਨ ‘ਚ ਦਾਖਲ ਹੋਵੇਗੀ।
ਅਭਿਆਸ ਦੌਰਾਨ ਆਮ ਦਰਸ਼ਕਾਂ ‘ਤੇ ਪਾਬੰਦੀ ਹੈ, ਅਤੇ ਸਿਰਫ਼ BCCI ਕਾਰਡ ਧਾਰਕਾਂ ਨੂੰ ਸਟੇਡੀਅਮ ਦੇ ਅੰਦਰ ਜਾਣ ਦੀ ਇਜਾਜ਼ਤ ਹੋਵੇਗੀ। ਦੋਵਾਂ ਟੀਮਾਂ ਲਈ ਤੀਹ ਸਥਾਨਕ ਖਿਡਾਰੀਆਂ ਨੂੰ ਸ਼ਾਰਟਲਿਸਟ ਕੀਤਾ ਗਿਆ ਹੈ। ਇਨ੍ਹਾਂ ਖਿਡਾਰੀਆਂ ਨੂੰ ਅਭਿਆਸ ਦੌਰਾਨ ਰੋਹਿਤ ਅਤੇ ਵਿਰਾਟ ਨੂੰ ਗੇਂਦਬਾਜ਼ੀ ਕਰਨ ਦਾ ਮੌਕਾ ਮਿਲੇਗਾ। ਡੈੱਡ ਦਈਏ ਕਿ ਭਾਰਤ ਇਸ ਵੇਲੇ 3 ਮੈਚਾਂ ਸੀ ਵਨਡੇ ਲੜੀ ‘ਚ 1-0 ਨਾਲ ਅੱਗੇ ਹੈ। ਦੂਜਾ ਮੈਚ ਕੱਲ੍ਹ 3 ਦਸੰਬਰ ਨੂੰ ਖੇਡਿਆ ਜਾਵੇਗਾ।
